Отақўзи мадрасаси (Андижон)

Отақўзи мадрасаси



Отақўзи мадрасаси - Андижон вилояти Пахтаобод туманидаги меъморий ёдгорлик (20-аср бошлари). Мадрасани маҳаллий бой Отақўзи қурдирган. Қурилишда Уста Қирғизбой ва Мамажонлар қатнашган. Отақўзи мадрасаси тарҳи кўп бур-чакли, пештоқ — гумбазли дарвозахона, масжид — айвон, 2 қаватли ҳужралардан иборат. Бинонинг умумий кўлами ва тарҳ тузилиши ўзига хос. Ҳовли бўйлаб ҳужралар ва гумбазли дарсхона жойлашган. Отақўзи мадрасаси қурилишида усталар оддий пишиқ ғиштнинг безак имкониятлари нақадар кенглигини намойиш этганлар. Равоқли, мезанали ва қуббали устунгўшалар бинодан бирмунча баландроқ кўтарилган. Устунгўшаларга ишлов беришда турли шаклда ғишт териш йўли билан ўзига хос безак ҳосил қилинган. Улар орасидаги девор сиртига юза равоқлар ишланган. Масжиднинг гул солинган шифти алоҳида бадиий қимматга эга, унда гириҳ ва ислимий нақшлар Қуръон сураларидан олинган ёзувлар билан ўзаро уйғунлашиб кетган (безагида маҳаллий уста Сайдулло қатнашган). Мадраса қурилишида Хоразмча муқарнас, шарафа ва кунгура қўлланган. Отақўзи мадрасаси Қўқон хонлигининг сўнгги давр меъморий ёдгорлиги ҳисобланади. 1971—75 йилларда таъмирланиб, ўлкашунослик музейи жойлашган.

Ўзбекистон миллий энциклопедияси, биринчи жилд. Тошкент, 2000-йил.

Рейтинг@Mail.ru

 

МАҚСАДИМИЗ

Миллий қадриятларимиз, маънавий бой меросимизни тиклаш ва уларни чуқур ўрганиш, унинг мазмун-моҳияти ва аҳамиятини халқимиз ўртасида тарғиб этиш, Имом Бухорий, Имом Термизий, Абу Мансур Мотуридий, Бурҳониддин Марғиноний, Баҳоуддин Нақшбандий ва Маҳмуд Замахшарий сингари юртимиздан етишиб чиққан буюк муҳаддис, фақиҳ, тасаввуф ва муфассир алломалар меросини ҳар томонлама теран ўрганиш, юксак инсоний ғоялар ва муқаддас қадриятларимизни ўзида ифода этган манбаларни тадқиқ этиш, улардан диний таълим, маънавий-ахлоқий тарбия ишларида фойдаланиш, диний ходимларнинг малакасини, билим ва тажрибасини ошириш бўйича ўқув-услубий ишларни амалга ошириш, ёш авлоднинг руҳий ва маънавий оламини бойитиш, азалий миллий қадриятларимизни сақлаш ва улуғлаш, юртимиз тарихи зарварақларига олтин ҳарфлар билан муҳрланган нодир қўлёзмаларни келгуси авлодларга етказиш, аждодларимиз ҳаёти, ахлоқи ва юксак маънавиятини ифодаловчи матнларни таржима қилиб, ёшлар қалбида улар қолдирган меросга ҳурмат, эъзоз ва муҳаббат туйғусини шакллантириш, юртимиз Мовароуннаҳрнинг Бухоро, Самарқанд, Марв, Урганч, Ахсикет, Хива, Шош, Марғинон ва бошқа шаҳарларидаги маърифат масканлари бўлмиш мадрасаларда етишиб чиққан алломалар ҳақида, улар таҳсил олган мадрасалар ва ҳозирда юртимиз Ўзбекистонда ишлаб турган мадрасалар ҳақида талабаларга маълумот бериб бориш.
БИЗ БИЛАН БОҒЛАНИШ:  [email protected]

GRAND TA'LIM нодавлат таълим муассасаси катта устози Анвар Аҳмад таълим даргоҳига асос солинган илк кунлардан бери фаолият юритади. Араб тили грамматикасида оид кўплаб дарслик ва адабиётлар тўпловчиси ва муаллифларидан.

arabic.uz сайтининг муҳаррири, "Риёзус солиҳийн", "Ал-Азкор", "Саодатга етакловчи ҳикматлар" ва бошқа кўплаб асарлар таржимони ва нашрга тайёрловчиси.

Анвар Аҳмад 1977 йилда таваллуд топган, оилали 4 нафар фарзанди бор. Миср Араб Республикасининг Азҳари Шариф, ал Азҳар институтлар бўлими, эъдодий ўрта-махсус билим юртини тамомлаган.

Шайх Муҳаммад Содиқ Муҳаммад Юсуф раҳимаҳуллоҳнинг шогирди. "Саҳиҳи Бухорий"дан шайх хазратларидан ижоза олган. “Олтин силсила” таржимонлар гуруҳининг аъзоси.

Аввал Миср Араб республикаси элчихонаси қошидаги фан ва таълим марказида араб тили ўқитувчиси, 2008 йилдан эса GRAND TA’LIM етакчи ўқитувчиларидан.