Самарқанддаги Имом ал-Бухорий халқаро ҳадис илми маркази

Самарқанддаги Имом ал-Бухорий халқаро ҳадис илми маркази

Имом Бухорий халқаро маркази 2008 йилнинг 23 майдаги 875-сон Қарорга мувофиқ ташкил этилган бўлиб, асосан, икки йуналишда фаолият олиб боради:
1. Имом Бухорий, Имом Термизий, Маҳмуд Замахшарий, Бурҳонуддин Марғиноний каби юртимиздан етишиб чиққан кўплаб буюк алломаларнинг илмий-маънавий, диний ва маданий меросини илмий асосда чуқур ўрганиш ҳамда улардан кенг халқ оммаси, айниқса, ёшларни хабардор қилиш, бу йўналишда хорижий мамлакатлардаги илмий марказлар, олим ва тадқиқотчилар билан яқин ҳамкорлик ўрнатиш.
2. Республикамизнинг турли шаҳар ва вилоятларидаги жоме масжидларида имом хатиблик қилаётган диний ходимлар билан дунёвий ва диний билимлар соҳасидаги ўқув-машғулотлари ташкил этиш.

 

Бундан ташқари, мазкур илмий-назарий семинар хулосаларидан келиб чиқиб, яқин келажакда Имом Бухорий халқаро марказида Имом Бухорий мероси ва ҳадис илмини ўрганиш борасида халқаро ҳамкорлик ишларини йўлга қўйиш асосий мақсад қилиб қўйилган.
Айтиш ўринлики, Шу пайтга қадар Марказга замонамизнинг йирик санъат, маданият, давлат арбоблари иштирокида 60 (олтмиш)дан зиёд қизиқарли учрашувлар ташкил қилинди.

 

Марказда йигирмадан ортиқ илмий-оммабоп китоб ва монографиялар нашр қилинди.
- 3000 (уч минг) бетдан зиёд араб тилидаги турли манбалардан ўзбек тилига таржима қилинди ҳамда уларнинг аксар қисми нашр этилди.
- 400 дан ортиқ илмий, илмий-оммабоп мақолалар республика миқёсидаги турли газета ва журналларда чоп этилди.
- ОАВ - радио ва телевидение орқали кўплаб учрашув ва суҳбатлар олиб борилди.

 

- Марказда “Ўзбекистон - буюк алломалар юрти” илмий-амалий лойиҳаси устида тадқиқотлар амалга оширилиб, юртимиздан етишиб чиққан 40 (қирқ)та аллома ҳаёти ва меросига бағишланган “Ўзбекистон – буюк алломалар юрти” (биринчи китоб) ўзбек ва инглиз тилларида, буюк муҳаддис Имом Бухорий ҳазратларининг ибратли ҳаёт йуллари ва беқиёс илмий-маънавий мероси ёритилган “Имом ал-Бухорий” ва “Ҳадис илмининг султони”, Мовароуннаҳр заминидан етишиб чиққан буюк аллома Абдуллоҳ ибн Муборак Марвазийнинг ибратларга бой ҳаёт йўллари ва юксак инсоний фазилатларига бағишланган “Буюк донишманд” китоблари, “Шаҳобуддин Умар Суҳравардий” рисоласи, “Абдулҳамид Кеший ҳаёти ва илмий мероси” ва “Абу-л-Муин Насафий” илмий монографиялари, Абу-л-Муин Насафийнинг “Баҳру-л-калом” асарининг таржима ва изоҳи “Калом илмида сўзлар денгизи” ҳамда “Адашган ва адаштирувчи фирқаларга раддиялар китоби” китоблари нашрдан чиқарилди.

Рейтинг@Mail.ru

 

МАҚСАДИМИЗ

Миллий қадриятларимиз, маънавий бой меросимизни тиклаш ва уларни чуқур ўрганиш, унинг мазмун-моҳияти ва аҳамиятини халқимиз ўртасида тарғиб этиш, Имом Бухорий, Имом Термизий, Абу Мансур Мотуридий, Бурҳониддин Марғиноний, Баҳоуддин Нақшбандий ва Маҳмуд Замахшарий сингари юртимиздан етишиб чиққан буюк муҳаддис, фақиҳ, тасаввуф ва муфассир алломалар меросини ҳар томонлама теран ўрганиш, юксак инсоний ғоялар ва муқаддас қадриятларимизни ўзида ифода этган манбаларни тадқиқ этиш, улардан диний таълим, маънавий-ахлоқий тарбия ишларида фойдаланиш, диний ходимларнинг малакасини, билим ва тажрибасини ошириш бўйича ўқув-услубий ишларни амалга ошириш, ёш авлоднинг руҳий ва маънавий оламини бойитиш, азалий миллий қадриятларимизни сақлаш ва улуғлаш, юртимиз тарихи зарварақларига олтин ҳарфлар билан муҳрланган нодир қўлёзмаларни келгуси авлодларга етказиш, аждодларимиз ҳаёти, ахлоқи ва юксак маънавиятини ифодаловчи матнларни таржима қилиб, ёшлар қалбида улар қолдирган меросга ҳурмат, эъзоз ва муҳаббат туйғусини шакллантириш, юртимиз Мовароуннаҳрнинг Бухоро, Самарқанд, Марв, Урганч, Ахсикет, Хива, Шош, Марғинон ва бошқа шаҳарларидаги маърифат масканлари бўлмиш мадрасаларда етишиб чиққан алломалар ҳақида, улар таҳсил олган мадрасалар ва ҳозирда юртимиз Ўзбекистонда ишлаб турган мадрасалар ҳақида талабаларга маълумот бериб бориш.
БИЗ БИЛАН БОҒЛАНИШ:  [email protected]